Дар шаҳри Москва Раъйпурсии умумихалқӣ баргузор гардид Избранное

23 Май 2016
3079 раз

22 майи соли 2016 аз соати 6:00 то соати 20:00 бо вақти Москва дар бинои Сафорати Ҷумҳурии Тоҷикистон дар Федератсияи Россия Раъйпурсии умумхалқӣ оид ба ворид намудани тағйиру иловаҳо ба Конститутсияи Ҷумҳурии Тоҷикистон баргузор гардид.
Шаҳрвандони Тоҷикистони муқими шаҳри Москва, вилояти Москва ва дигар манотиқ фаъолона дар Раъйпурсии умумхалқӣ оид ба ворид намудани тағйиру иловаҳо ба Конститутсияи Ҷумҳурии Тоҷикистон иштирок намуданд.
Аз ҷумла, донишҷӯёни тоҷик, намояндаҳои доираҳои илму фарҳанг, муҳоҷирони меҳнатии тоҷик, ки дар марказҳои тиҷорату савдо ва ширкатҳои сохтмонии ш. Москва фаъолият мекунанд, дар ин маъракаи муҳими сиёсии кишвар ширкат варзида, озод раъйи худро доданд. Дар байни шаҳрвандони ширкаткунанда дар ин маърака занон низ зиёд ба чашм расид. Бисёре аз раъйдиҳандаҳо дар даст парчами миллӣ доштанд, ки нишондиҳандаи меҳру муҳаббат нисбат ба муқаддасоти милливу давлатӣ ва рамзи ваҳдати миллӣ мебошад.
Бояд зикр кард, ки ҳамватанони бурунмарзӣ дар Федератсияи Россия бо ҳисси баланди шаҳрвандӣ баҳри рушду нумӯи минбаъдаи кишвар, мустаҳкамшавии арзишҳои демократӣ ва таъмини амнияту суботи бардавоми ватан дар ин маъракаи тақдирсоз ширкат карданд.
Шаҳрвандони Тоҷикистон, ки имрӯз дар маъракаи раъйдиҳӣ дар ш. Москва иштирок намуданд, аз ш. Москва, вилояти Москва, ш. Санкт-Петербург, вилояти Владимир, ш. Рязан ва ғайра ба участкаи раъйдиҳӣ ташриф оварданд.
Инчунин дар байни раъйдиҳандагон шаҳрвандоне буданд, ки бори аввал дар чунин маърака иштирок карданд. Ба яке аз ин шаҳрвандони Тоҷикистон Алиев Шаҳром, ки бори аввал аз ҳуқуқи раъйдиҳии худ истифода кард, Сафири Ҷумҳурии Тоҷикистон Имомуддин Сатторов ба мақсади нақш бастани ин воқеаи муҳим дар хотирааш туҳфаи хотиравӣ китоби “Таърихи тоҷикон”-ро тақдим намуд.
Инчунин рафти раъйдиҳиро дар бинои Сафорати Тоҷикистон дар Россия намояндагони васоити ахбори оммаи Россия ва дигар кишварҳо инъикос намуданд. Ҳамзамон нозирони байналмилалӣ дар ин маърака иштирок карда, ин равандро назорат намуданд. Ба участкаи раъйдиҳии Москваро узви Комиссияи марказии интихоботи Россия Василий Лихачев низ ташриф овард ва бо ҷараёни раъйдиҳӣ шинос шуд.

Хадамоти матбуоти Сафорати ҶТ дар ФР

Сафорати Ҷумҳурии Тоҷикистон дар Россия

сиёсат, фарҳанг, санъат, ҷомеа, варзиш, тафреҳ, тандурустӣ, кортаъминкунӣ, дастрасии муҷаввиз, сафар ба хориҷ

123001, Москва, Гранатный пер. 13. (Метро Баррикадная)
Телефон: +7 (495) 690-38-46, 690-41-86, 690-61-02
Факс: +7 (495) 691-89-98

САФОРАТ ДАР ШАБАКАҲОИ ИНТЕРНЕТ:

Иштироки ахбор

Нигористон